بابا مبروك
المساهمات : 17
تاريخ التسجيل : 08/02/2010
العمر : 70
 |  موضوع: مين اللي يبكي عليه؟!  الثلاثاء فبراير 09, 2010 12:42 am | |
| مين اللي يبكي عليه؟!
عمت العُصابة عينينا .. وقلوبنا .. ولا شايفين!
ماشيين طريق المنافسة ... ولا واحد .. ولا إتنين!
صرنا عشرات .. بالميّات .. وبأسامينا .. مفتخرين!
قلنا احنا لأبولس .. أو لبولس .. وكمان قالوا التانيين:
واحنا تبع بطرس .. إحنا الأصل .. بالملايين!
إحنا حجزنا السماء .. إحنا أكيد .. رايحين!
وانتوا ما انتوش معانا .. ولا عمركم .. داخلين!
جسد المسيح الواحد .. إحنا يوميا .. نقطّع فيه!
نمزق .. نفرق .. نشتت .. ولا تدمع عينينا عليه!
الواحد بِدُّه ياخد .. كرسي الزعامة .. ويرسي عليه!
وواحد قال .. معايا أنا المفتاح .. وانا اللي هافتح بيه!
واللي ما يمشي .. ورايا أنا .. لازم على الرصيف .. هارميه!
ولا محتاج لنعمة .. ولا لغفران .. أنا الجميع .. باعطيه!
بكينا على مجدنا .. ومجد المسيح .. مين اللي يبكي عليه؟!
خلّونا نيجي .. كلنا .. وبذنبنا ..عند المسيح كدا يوماتي!
ده هو نبع المحبة .. وهو الكريم .. ومفيش غيره العاطي!
الكل مذنب .. الكل مجرم .. لازم أقول أنا الخاطي!
وبدل ما اجرّح ف أخويا .. خلوني أبص .. لحياتي!
وبدل ما نعلن طوايف .. ولا أسماء .. وليكي المجد ياذاتي ..
نتلم حواليه .. عند قدميه .. الجيل الماضي والآتي!
رأس الكنيسة .. المسيح .. وتسجد كل هامة وتطاطي!
شعر بابا مبروك | |
|
Admin
Admin
المساهمات : 190
تاريخ التسجيل : 06/07/2009
العمر : 54
الموقع : Admin
| | موضوع: تجاوب مع القصيدة الجمعة فبراير 12, 2010 4:00 am | |
| الرب يباركك اخويا بابا مبروك
كلماتك رسمت حالة كنائسنا بدقة ، فياليتنا نتجاوب مع العلاج الذى قدمته. | |
|
بابا مبروك
المساهمات : 17
تاريخ التسجيل : 08/02/2010
العمر : 70
| | موضوع: رد: مين اللي يبكي عليه؟! الجمعة فبراير 12, 2010 4:13 pm | |
| آمين باسم الرب يسوع!
مع خالص الشكر لروح المحبة والتشجيع! | |
|
